Sister Shayari in Hindi :- Brother and Sister Shayari in Hindi

Sister holds great importance in the life of a brother. If the sister is younger then the brother is dear to him and if the sister is elder, then she is the true friend of the brother. Sister’s love is tied to brother’s wrist. Even after the marriage of the sister, this relationship remains the same and the siblings remain close to each other. Shayari of the same emotions, we will read in the poetry sister. So let’s read the same Shayari Collection for the sister, ” Sister Shayari in Hindi ” dedicated to all sisters by all Brothers.

Sister Shayari in Hindi

Sister Shayari in Hindi

1.
Maa ki mamta aur bahan ki duaon ka hi asar hai
Meri zindagi me jo khuda ki rahmaton ka asar hai,
Yun to meri keemat is zamane me khaak bhi na thi
Aaj aisa kuchh nahi jo mujhe mayassar na ho.

2.
Vo dantati hai mujhe aur takrar bhi karti hai,
Magar meri bahan mujhe pyar bhi bahut karti hai.

3.
Jab bhi aati hai musibatein zindagi me
Vo meri har mushkil asan kar deti hai,
Toot kar kabhi jab bikharne lagta hun main
Har baar mujhme vo nayi jaan bhar deti hai.

4.
Maa ki daant aur pita ki maar se bachati hai
Mere liye meri bahan kisi se bhi ulajh jaati hai,
Batana padta hai sabko haal-e-dil magar
Vo bina kahe har baat samajh jaati hai.

5.
Natkhat aur shaitan hai vo
Mummy Papa ki dulari hai,
Meri chhoti bahan to mujhko
Apni jaan se bhi pyari hai.

6.
Man se chanchal hai vo lekin
dil se bahut hi bholi hai,
Jeevan me jisse rang humare
Vo hi sundar rangoli hai.

7.
Sare ghar ki raunak hai khoob vo shor machati hai
Uski bholi surat sabke man ko bhati hai,
jab bhi vo khamosh rahe ghar soona-soona lagta hai
Uske khush rahne se hi ghar me raunak rahti hai.

8.
Jiske aane se humari khushiyan abad hain
jisko dete sabhi khoob sara laad hain,
Meri chhoti bahan hai vo
Aur bhagwan ka ashirwad hai.

9.
Rooth jaye jab sab se nakhre khoob dikhati hai,
Bankar fir vo dadi amma, sabko paath sikhhati hai.

10.
Kab se thaae hain aansu
Ab to bhai ki himmat tooti jaa rahi hai,
Byahi gayi bahna ki vidaai
Jaise jaise kareeb aa rahi hai.

11.
Bachpan tha jo  sang me beeta
Usko man kaise bhulaunga
Bin tere soona ghar hoga
kaise main sah paunga,
Teri yaadein mujhe sataengi
Jab tu yahan se chali jaegi
Rah jaengi bas teri baatien
Aur main tanha rah jaunga.

12.
Kitne Kisse kitni kahaniyan chhoot jati hain
Zamane ki rasmen har khushiyan loot jati hain,
Chali jaati hai bahan jab is ghar se doosre ghar me
Bas yaadon ka sath rahta hai najdikiyan toot jati hai.

13.
Abhi tak khushiyan ghar me thi
Pal bhar me hi ruswayi ho gyi,
Isi ghar me bahan jo apni thi
zamane ki rasmon se aaj parayi ho gyi.

14.
Kalaai par jo baandhe raakhi, dukh sukh me sath nibhati hai,
Uske liye dua main mangu, meri vahi to sachchi sathi hai.

15.
Chali gyi sasural, chhod ke apna mayka
Aaj usi bahan ki kami mujhko khalti hai,
Jab bhi baithata hun khuda ko sazda karne
Mere labon se bas uske liye duaaen nikalti hain.

16.
Khush rahe vo sadaa zindagi me
Na kisi ko us se koi shikayat rahe,
Yahi dua mangta hun sadaa uske liye
Vo jahan bhi rahe hamesha salamat rahe.

17.
Jab  bhi dekhta hun khilone bachpan ke
tab tab bahan ki yaad aati hai,
Dua nikalti hai dil se uski khushiyon ke liye
Labon pe uski salamat ki fariyad nikalti hai.

अभी शेयर करे
WhatsAppFacebookTwitterGoogle+BufferPin It

हमारे सब्सक्रिप्शन पालिसी जानिए या अपना सब्सक्रिप्शन अपडेट कीजिये।

Add Comment